अर्धा किलो घट्ट कैरी, २ वाटया साखर, २ चमचे लाल तिखट, मीठ, १० - १२ लवंगा, दालचिनीचे २ तुकडे, जिरेपूड -मिरपूड प्रत्येकी एक चमचा, मेथीपूड - हिंगपूड प्रत्येकी अर्धा चमचा.
कृती :
कैरी धुवून पुसून साल काढून किसून घ्यावी. त्यात मीठ, साखर घालून दोन तास झाकून ठेवावी. किसाला पाणी सुटेल. लवंगा, दालचिनी गरम करून बारीक पूड करावी. किस, मीठ, साखर या मिश्रणात लवंगा, दालचिनी, जिरेपूड, मिरपूड, मेथीपूड घालावी. नंतर तिखट घालून चांगले मिसळावे. काचेच्या बरणीत भरून झाकण न घालता बरणीचे तोंड रूमालाने बंद करावे. ८ दिवस बरणी उन्हात ठेवावी. रोज बरणी हलवावी. साखर विरघळलेली दिसली की छुंदा तयार ! आवडीप्रमाणे साखरेचे प्रमाण कमी - जास्त करता येइल. सहा महिने छुंदा चांगला टिकतो.
No comments:
Post a Comment