गाजर हलवा ( Gajar Halwa )

साहित्य : 

           १/२ किलो लाल गाजर, २ वाट्या साखर, पाव वाटी साजुक तूप, १/२ कप दुधावरची साय किंवा २०० ग्राम खवा, बदामाचे उभे काप, काजूचे तुकडे, बेदाणे, वेलदोडयाची पूड.

कृती : 

          गाजराची साल काढून किसणीने गाजर खिसून घ्यावीत. कढईत तूप घालून त्यात किस घालून चांगला शिजेपर्यंत झाकण ठेवून वाफवून घ्यावा. मग त्यात साय किंवा आधीच भाजून घेतलेला खवा घालून पुन्हा परतावे. ( ४ - ५ पेढे कुस्करून घातले तरी चालतील ). किस जरा कोरडा झाल्यावर साखर घालून पुन्हा कोरडा होईपर्यंत मंद आंचेवर परतावा. मग खाली उतरवून वेलदोडयाची पूड व ड्रायफ्रूटस् घालून त्यानेच सजवून गाजर हलवा पेश करावा.