पिकलेले किंवा अर्धवट पिकलेले पेरू, चिंचेचा कोळ, गूळ, सुके खोबरे ( किसलेले अथवा पातळ छोटे काप केलेले ), भाजून सोललेले शेंगदाणे, फोडणीसाठी तेल, मोहरी, मेथ्या, हिंग, हळद, भाजलेल्या दाण्याचा कूट, हिरव्या मिरच्यांचे तुकडे, मीठ.
कृती :
पेरू धुवून पुसून त्याच्या फोडी कराव्यात. बिया जास्त असल्यास बियांचा भाग काढून टाकावा. पातेल्यात तेल घालून मोहरी, हिंग, मेथ्या व हळद घालून फोडणी तयार करावी. त्यात प्रथम भाजलेले शेंगदाणे, सुके खोबरे व नंतर हिरव्या मिरच्या घालून परतावे. मग त्यात पेरूच्या फोडी घालून त्या बुडतील इतपतच पाणी घालावे. फोडी शिजत आल्या की चिंचेचा कोळ घालावा. मीठ घालून हलवावे. दाण्याचा कूट घालून गूळ घालावा. गूळ विरघळल्यावर पुन्हा थोडा वेळ शिजवावे. थोडे सरबरीतच ठेवावे, घट्ट करू नये. हे आंबट - गोड पंचामृत फारच चविष्ट लागते.
फारच सुंदर रेसिपी. माझी आजी असेच पेरूचे पंचामृत करायची. धन्यवाद.
ReplyDelete