बाजरी अर्धा किलो, मीठ, तेल, पाणी, दूध, गूळ.
कृती :
मिक्सरवर बाजरीचा रवा करून घ्यावा. एका पातेल्यात तीन वाट्या पाणी उकळत ठेवावे त्यात २ चमचे तेल व १/२ चमचा मीठ घालावे. तेवढाच म्हणजे तीन वाट्या बाजरीचा रवा घेऊन उकळलेल्या पाण्यात घालावा व त्याची चांगली उकड काढावी. उकड तयार झाल्यावर ती परातीत तेलाच्या हाताने चांगली मळून घ्यावी. त्याचे छोटे गोळे करून दिव्यासारखा / पणतीसारखा आकार द्यावा. एका मोठ्या पातेल्यात पाणी ठेऊन त्यावर चाळणीला तेल लावून ठेवावी. चाळणीवर हे उंडे पालथे ठेऊन त्यावर झाकण ठेवावे. १५ - २० मिनिटे वाफवून काढावेत. किंवा मोदक पात्रात वाफवले तरी चालतील. नंतर पाव लीटर दुधात २ ते ३ टेबलस्पून गूळ घालून विरघळल्यावर त्याबरोबर हे उंडे खायला द्यावेत.
गोड आवडत नसल्यास बाजरीच्या रव्यात मीठ, बारीक चिरलेली कोथिंबीर, हिरव्या मिरच्या बारीक करून घालाव्यात.
हा पदार्थ शक्यतो दिव्याच्या अमावस्येदिवशी केला जातो. काहीजण भिजवलेल्या कणकेचे दिवे करून वाफवतात.
No comments:
Post a Comment